Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 8-ci turuna start verilib.
Arena.az xəbər verir ki, ilk oyun günündə bir qarşılaşma baş tutub.
Turun açılış matçında “Araz-Naxçıvan” “Səbail”lə üz-üzə gəlib. Məlum səbəblərdən bu qarşılaşma Sumqayıtda keçirilib. Naxçıvan təmsilçisi qalib gəlməklə liderlər qrupundakı mövqeyini yaxşılaşdırmağı, qonaqlar isə uğursuz gedişata son qoymağı hədəfləmişdilər.
“Araz-Naxçıvan”la “Səbail” daha öncə 4 oyunda üz-üzə gəlmişdilər. Bu görüşlərdə naxçıvanlıların qələbəsi yox idi. 2 oyun heç-heçə bitdiyi halda qalan 2 matçda “dənizçilər” qalib gəlmişdiblər. “Səbail” bütün oyunlarda qol vurmuşdu.
Bu oyunda da hesabı “Səbail” açıb. Amma Naxçıvan təmsilçisi ikinci hissədə 3 qol vurmaqla əzmkar və tarixi qələbəyə imza atıb. Bu qələbə sayəsində xalını 16-ya çatdıran “Araz-Naxçıvan” vahid liderliyi ələ keçirib. Ardıcıl 4-cü məğlubiyyətinə üzülən “Səbail” isə 4 xalla 8-cidir.
Premyer Liqa
8-ci tur
27 sentyabr
“Araz-Naxçıvan” – “Səbail” 3:2
Qollar: Bəxtiyar Həsənalızadə, 52. Felipe Santos, 57-pen. Bernardo Dias, 84 – Qorka Larruçea, 45+2; 89.
Hakimlər: Rauf Allahverdiyev, Vüsal Məmmədov, Teymur Teymurov, Fərid Hacıyev.
VAR: Rəşad Əhmədov.
AVAR: Cəmil Quliyev.
Hakim-inspektor: Munis Abdullayev.
AFFA nümayəndəsi: Anar Şıxəliyev.
“Sumqayıt Arena”, 19:00.
Araz-Naxçıvan: 12. Kristian Avram, 34. Ürfan Abbasov, 3. Bəxtiyar Həsənalızadə, 2. Slavik Alxasov, 6. Vadim Abdullayev (k), 16. Ramon Maçado, 29. Vanderson Melo, 23. Nuno Rodriqes, 14. Miço Kuzmanoviç, 4. İqor Ribeyro, 97. Felipe Santos.
Ehtiyat oyunçular: 94. Tərlan Əhmədli, 1. Vüsal Şabanov, 7. Ülvi İsgəndərov, 22. Elçin Mustafayev, 20. Turan Vəlizadə, 88. Tuqay Əlizadə, 11. Bayraməli Qurbanov, 24. Mustafa Əhmədzadə, 71. Sənan Ağalarov, 17. İssuf Paro, 10. Bernardo Dias.
Baş məşqçi: Elmar Baxşıyev.
Səbail: 1. Hüseynəli Quliyev, 74. Yusif Nəbiyev (k), 77. Fərid Nəbiyev, 20. Mert Çelik, 11. Rüfət Abdullazadə, 8. Qorka Larruçea, 44. Amir Bilali, 3. Dmitri Litvin, 7. Madi Keta, 5. Gitay Sofir, 21. Ayman Bouali.
Ehtiyat oyunçular: 12. Əlirza Müştəbazadə, 25. Nicat Məmmədzadə, 6. Cabir Əmirli, 18. Süleyman Əhmədov, 15. Vüsal Məsimov, 83. Nihad Quliyev, 19. Samir Abdullayev, 16. Emin Rüstəmov, 10. David Qomis, 14. Suleyman Alluş.
Baş məşqçi: Şahin Diniyev.
