Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 8-ci turuna yekun vurulacaq.
Arena.az xəbər verir ki, sonuncu oyun günündə də iki qarşılaşma baş tutacaq.
Günün ilk oyunu “Şamaxı” ilə “Turan Tovuz” arasında baş tutacaq. Turnir cədvəlində qonşu olan bu komandaların dueli maraqla gözlənilir. Hər iki komanda bu mövsüm cəmi 1 məğlubiyyətlə üzləşib. İlk yenilgisini ötən tur almış Tovuz klubu daha çox (14) xal topladığı üçün 5-ci sırada qərarlaşıbsa, 11 xalı olan “Şamaxı” 6-cıdır. Yeri gəlmişkən, ötən mövsüm “Turan Tovuz”a rəhbərlik etmiş Ayxan Abbasov indi “Şamaxı”nın sükanı arxasında keçmiş komandası üzərində uğur qazanmağa çalışacaq.
Turun sonuncu oyunu isə son çempion “Qarabağ”la “Sabah” arasında baş tutacaq. Bu oyunda qalib gələn komanda vahid liderliyi ələ keçirəcək. Ağdam klubu hazırda 15 xalla 2-ci, paytaxt klubu isə 14 xalla 4-cü sırada qərarlaşıb.
Bu, “Qarabağ”la “Sabah”ın 24-cü çempionat oyunu olacaq. Əvvəlki 23 oyunda ağdamlılar 14, bakılılar 2 qələbə qazanıblar, 7 görüş bərabərliklə bitib. “Qarabağ” son 6 oyunda qol vurub. “Sabah” səfərdə bu rəqibinə heç vaxt qalib gəlməyib.
Premyer Liqa
8-ci tur
27 sentyabr
“Araz-Naxçıvan” – “Səbail” 3:2
Qollar: Felipe Santos, 57-pen. Bəxtiyar Həsənalızadə, 52. Bernardo Dias, 84 – Qorka Larruçea, 45+1; 89.
Hakimlər: Rauf Allahverdiyev, Vüsal Məmmədov, Teymur Teymurov, Fərid Hacıyev.
VAR: Rəşad Əhmədov.
AVAR: Cəmil Quliyev.
Hakim-inspektor: Munis Abdullayev.
AFFA nümayəndəsi: Anar Şıxəliyev.
“Sumqayıt Arena”, 19:00.
28 sentyabr
“Zirə” – “Kəpəz” 3:0
Qollar: Ceyhun Nuriyev, 42. Rüstəm Əhmədzadə, 51. Davit Volkov, 57.
Hakimlər: Rauf Cabarov, Eyyub İbrahimov, Şirmamed Mamedov, Əli Əliyev.
VAR: Əliyar Ağayev.
AVAR: Akif Əmirəli.
Hakim-inspektor: Ramil Diniyev.
AFFA nümayəndəsi: Asif Əliyev.
Zirə İdman Kompleksinin stadionu, 17:00.
“Neftçi” – “Sumqayıt” 1:1
Qollar: Yuri Matias, 76 – Cordan Rezabala, 70.
Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə.
VAR: Elçin Məsiyev.
AVAR: Pərvin Talıbov.
Hakim-inspektor: Feyzulla Feyzullayev.
AFFA nümayəndəsi: Rüfət Əmirov.
Bakı. “Neftçi Arena”, 19:30.
29 sentyabr
“Şamaxı” – “Turan Tovuz”
Hakimlər: Tural Qurbanov, Rəhman İmami, Zöhrab Abbasov, Elvin Bayramov.
VAR: Nicat İsmayıllı.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Nəriman Axundov.
Şamaxı şəhər stadionu, 16:00.
“Qarabağ” – “Sabah”
Hakimlər: İnqilab Məmmədov, Namik Hüseynov, Rahil Ramazanov, Əkbər Əhmədov.
VAR: Əliyar Ağayev.
AVAR: Rəvan Həmzəzadə.
Hakim-inspektor: Ömər Paşayev.
AFFA nümayəndəsi: Elgiz Abbasov.
Bakı. “Azərsun Arena”, 19:00.
