Futbol üzrə Azərbaycan çempionatında (Premyer Liqa) 2024/2025-ci illər mövsümünün 6-cı turunun növbəti oyunları keçirilir.
Arena.az xəbər verir ki, ikinci oyun gününün ilk qarşılaşması Şamaxıda baş tutub.
Şamaxı şəhər stadionunda keçirilən oyunda yerli “Şamaxı” ilə “Sumqayıt” komandası üz-üzə gəliblər. Turnir cədvəlində qonşu olan komandaların görüşü az maraq doğurmurdu. Cari mövsümdə 5 oyuna 6 xal toplamış “Sumqayıt” 2 qələbə qazandığı halda 3 məğlubiyyətə üzülmüşdü. “Şamaxı” isə 4 oyunda 5 xal toplamışdı. 1 qələbə, 1 məğlubiyyət görmüş əyalət klubu 2 görüşdə də heç-heçə ilə kifayətlənmişdi.
Bu komandaların əvvəlki 43 oyununda “Şamaxı”nın üstünlüyü vardı. Elə bu görüşdə də qələbəni meydan sahibləri bayram ediblər. Erkən qola sevinən “Şamaxı” bu üstünlüyünü sonadək qorumağı bacarıb.
Premyer Liqa
6-cı tur
14 sentyabr
“Şamaxı” – “Sumqayıt” 1:0
Qol: Georgi Kantariya, 3.
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev.
VAR: Rauf Cabarov.
AVAR: Eyyub İbrahimov.
Hakim-inspektor: Zöhrab Qədiyev.
AFFA nümayəndəsi: Azər Əsgərov.
Şamaxı şəhər stadionu.
Şamaxı: 1. Rikardo Fernandes, 4. Adil Nağıyev (k), 8. İlkin Muradov, 17. Rafael Məhərrəmli, 82. Rüfət Abbasov, 32. Vasili Radenoviç, 20. Leroy Mikels, 93. Brahim Konate, 7. Georgi Kantariya, 9. Belaydi Pusi, 66. Vasili Bakiç.
Ehtiyat oyunçular: 85. Kamal Bayramov, 62. Abdulla Seydəhmədov, 60. Səbayıl Bağırov, 10. Emin Zamanov, 80. Zahid Mərdanov, 5. Arsen Ağcabəyov, 13. Ramin Əhmədov, 97. Elşad Tağıyev, 6. Rauf Rüstəmli, 22. Qurban Səfərov, 19. Fəxri Məmmədli, 11. Conatan Benteke.
Baş məşqçi: Ayxan Abbasov.
Sumqayıt: 1. Mehdi Cənnətov, 6. Vüqar Mustafayev (k), 14. Elvin Bədəlov, 10. Rəhim Sadıxov, 7. Rövlan Muradov, 17. Murad Xaçayev, 8. Səbuhi Abdullazadə, 21. Nihat Əhmədzadə, 19. Roi Kehat, 99. Silvanus Nimeli, 5. Alan Dias.
Ehtiyat oyunçular: 36. Xəyal Fərzullayev, 56. Aftandil Arixov, 2. Sertan Taşkın, 30. Kamran Quliyev, 24. Sənan Muradlı, 11. Fernando Da Silva, 9. Nikola Vuynoviç, 18. Kristian Velinovski, 23. Cordan Rezabala, 60. Tresor Mossi.
Baş məşqçi: Samir Abasov.
