Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 6-cı turunun növbəti oyunları keçiriləcək.
Arena.az xəbər verir ki, ikinci oyun günündə iki qarşılaşma baş tutacaq.
Günün ilk oyunu Şamaxı şəhər stadionunda baş tutacaq. Burada yerli “Şamaxı” ilə “Sumqayıt” komandası üz-üzə gələcək. Turnir cədvəlində qonşu olan komandaların görüşü az maraq doğurmur. Cari mövsümdə 5 oyuna 6 xal toplamış “Sumqayıt” 2 qələbə qazandığı halda 3 məğlubiyyətə üzülüb. “Şamaxı” isə 4 oyunda 5 xal toplayıb. 1 qələbə, 1 məğlubiyyət görmüş əyalət klubu 2 görüşdə də heç-heçə ilə kifayətlənib.
Bu komandaların əvvəlki 43 oyununda “Şamaxı”nın üstünlüyü var. Bu komanda 18 qələbə qazanıbsa, “Sumqayıt”ın hesabında 12 qələbə var. 13 görüşdə də qalib müəyyənləşməyib. “Şamaxı” son iki qarşılaşmada bu rəqibinə qol vurmayıb. “Sumqayıt” isə son üç səfərdə qalib gəlməyib.
Günə “Qarabağ” – “Səbail” oyunu ilə yekun vurulacaq. “Azərsun Arena”da baş tutacaq görüşdə Ağdam klubu növbəti qələbəsini qazanmaqla liderlər qrupundakı mövqeyini yaxşılaşdırmağa çalışacaq. 4 oyuna 3 qələbə, 1 məğlubiyyət görmüş “Qarabağ” hazırda 9 xalla 4-cü sırada qərarlaşıb. “Səbail” isə 5 oyunda 1 qələbə, 1 heç və 3 məğlubiyyət görüb, komanda hazırda 4 xalla 8-cidir.
“Qarabağ”la “Səbail”in əvvəlki 27 oyununda ağdamlıların 22, bakılıların cəmi 3 qələbəsi var. 2 görüşdə də qalib müəyyənləşməyib. “Qarabağ” bütün görüşlərdə qol vurub. Texniki nəticə nəzərə alınmasa, “Səbail” səfərdə xal qazanmayıb.
Premyer Liqa
6-cı tur
13 sentyabr
“Araz-Naxçıvan” – “Kəpəz” 1:0
Qol: Bernardo Dias, 76.
Hakimlər: Rəvan Həmzəzadə, Cəmil Quliyev, Şirmamed Mamedov, Elvin Bayramov.
VAR: Cavid Cəlilov.
AVAR: Namiq Hüseynov.
Hakim-inspektor: Anar Salmanov.
AFFA nümayəndəsi: Eldəniz Musayev.
Mərdəkan. “Dalğa Arena”
14 sentyabr
16:30. “Şamaxı” – “Sumqayıt”
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev.
VAR: Rauf Cabarov.
AVAR: Eyyub İbrahimov.
Hakim-inspektor: Zöhrab Qədiyev.
AFFA nümayəndəsi: Azər Əsgərov.
Şamaxı şəhər stadionu
19:00. “Qarabağ” – “Səbail”
Hakimlər: Tural Qurbanov, Rəhman İmami, Müslüm Əliyev, Rauf Allahverdiyev.
VAR: Kamal Umudlu.
AVAR: Asiman Əzizli.
Hakim-inspektor: Ceyhun Haşımov.
AFFA nümayəndəsi: İlham Əliyev.
Bakı. “Azərsun Arena”.
15 sentyabr
18:00. “Zirə” – “Neftçi”
Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov.
VAR: Nicat İsmayıllı.
AVAR: Kamran Bayramov.
Hakim-inspektor: İmanxan Sultani.
AFFA nümayəndəsi: Seymur Səlimli.
Zirə İdman Kompleksinin stadionu.
20:30. “Sabah” – “Turan Tovuz”
Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev.
VAR: İnqilab Məmmədov.
AVAR: Teymur Teymurov.
Hakim-inspektor: Ömər Paşayev.
AFFA nümayəndəsi: Emin Cəfərov.
“Masazır Arena”.
