Bu gün futbol üzrə Azərbaycan çempionatında (Premyer Liqa) 2024/2025-ci illər mövsümünün 5-ci turuna start verilib.
Arena.az xəbər verir ki, ilk oyun günündə iki qarşılaşma baş tutub.
Tura Tovuzda start verilib. Burada lider “Turan Tovuz” “Səbail”i qəbul edib.
İlk 4 turda cəmi bir oyunda xal itirmiş “Turan Tovuz” 10 xalla zirvədə qərarlaşmışdı. “Səbail” isə 2 məğlubiyyət və 1 heç-heçənin ardından yalnız ötən tur “Kəpəz”ə qalib gələ bilmişdi. Bu üzdən “dənizçilər”in Tovuzdan xalla qayıtması çətin görünürdü.
“Turan Tovuz”la “Səbail” daha öncə 8 oyunda qarşılaşmışdılar. Tərəflər bu oyunlarda hərəyə 2 qələbə qazanmışdılarsa, 4 qarşılaşmada qalib müəyyənləşməmişdi. “Turan Tovuz” bütün oyunlarda qol vurmuşdu. Elə bu dəfə də belə olub. Tovuz təmsilçisi ilk hissədə vurduğu yeganə qol sayəsində bu rəqibinə qalib gəlib.
Beləliklə, ardıcıl 4-cü qələbəsini rəsmiləşdirən “Turan Tovuz” xalını 13-ə çatdıraraq zirvədəki mövqeyini möhkəmləndirib. “Səbail” isə 4 xalla 7-ci pillədə qalıb.
Premyer Liqa
5-ci tur
30 avqust
“Turan Tovuz” – “Səbail” 1:0
Qol: Alexandro Serrano, 33.
Hakimlər: Rəşad Əhmədov, Rəhman İmami, Cəmil Quliyev, Rəvan Həmzəzadə.
VAR: Elçin Məsiyev.
AVAR: Asiman Əzizli.
Hakim-inspektor: Asim Xudiyev.
AFFA nümayəndəsi: Asif Əliyev.
Tovuz şəhər stadionu, 17:45.
Turan Tovuz: 1. İvan Konovalov, 4. Şəhriyar Əliyev (k), 10. Xəyal Nəcəfov, 88. Faiq Hacıyev, 13. Fərid Yusifli, 5. Roderik Miller, 23. Alexandro Serrano, 15. Emmanuel Hakman, 25. Denis Marandiçi, 80. Otto Con, 21. Aleks Souza.
Ehtiyat oyunçular: 71. Mehman Hacıyev, 41. Sergey Samok, 33. Eltun Turabov, 8. Tural Bayramlı, 7. İsmayıl Zülfüqarlı, 44. Rüfət Əhmədov, 77. Veysəl Rzayev, 99. Sadiq Şəfiyev, 20. İbrahim Ramazanov, 9. Kristian da Silva, 6. Araş Qaderi, 11. Ayxan Hüseynov.
Baş məşqçi: Kurban Berdiyev.
Səbail: 1. Hüseynəli Quliyev, 77. Fərid Nəbiyev, 20. Mert Çelik, 11. Rüfət Abdullazadə, 19. Samir Abdullayev, 8. Qorka Larruçea, 44. Amir Bilali, 3. Dmitro Litvin, 5. Gitay Sofir, 14. Suleyman Alluş.
Ehtiyat oyunçular: 12. Əlirza Müştəbazadə, 6. Cabir Əmirli, 18. Süleyman Əhmədov, 15. Vüsal Məsimov, 83. Nihad Quliyev, 17. Gülağa Əsədov, 10. David Qomis, 7. Madi Keta.
Baş məşqçi: Şahin Diniyev.
