Futbol üzrə Azərbaycan Premyer Liqasında 2022/2023 mövsümünün sonuncu – 36-cı turuna bu gün start veriləcək. Arena.az xəbər verir ki, ilk oyun günündə üç qarşılaşma baş tutacaq.
Artıq həmin oyunlar üçün bütün təyinatlar da məlumdur. Peşəkar Futbol Liqasının təqdim etdiyi təyinatlardan da görünür ki, günün ən prinsipial matçı – “Səbail”lə “Şamaxı”nın oyununu İnqilab Məmmədov idarə edəcək. Bu qarşılaşmada elitanı tərk edəcək komandanın adına aydınlıq gələcək. “Səbail”ə heç-heçə də yetərlisidr. “Şamaxı” isə Premyer Liqada qalmaq üçün mütləq qalib gəlməlidir.
Avropa Konfrans Liqasına vəsiqə qazanmağa yaxın olan “Qəbələ”nin “Kəpəz”lə ev matçında Cavid Cəlilov söz sahibi olacaq. “Qırmızı-qaralar”ın büdrəməsinə ümid bəsləyən “Zirə”nin “Sumqayıt”la səfər görüşü isə Tural Qurbanova tapşırılıb. Bu iki oyun eyni saatda keçiriləcək.
Turun sabah baş tutacaq “Neftçi” – “Sabah” və “Qarabağ” – “Turan Tovuz” matçlarına təyinatlar hələ açıqlanmayıb.
Xatırladaq ki, 87 xalla çempionluğu təmin etmiş “Qarabağ”ın, 81 xalla ikinci olan “Sabah”ın, 65 xala malik “Neftçi”nin mövsümü indiki pillələrdə başa vuracağı dəqiqləşib. “Qəbələ” 49 xalla dördüncü, “Zirə” 47 xalla beşinci, “Turan Tovuz” 39 xalla altıncı, “Sumqayıt” 31 xalla yeddinci, “Kəpəz” 30 xalla səkkizincidir. Son iki pillədəki “Səbail”lə “Şamaxı”nın isə müvafiq olaraq 26 xə 25 xalı var.
Azərbaycan Premyer Liqası
36-cı tur
27 may
“Sumqayıt” – “Zirə”
Hakimlər: Tural Qurbanov, Vüsal Məmmədov, Rəhman İmami, Vüqar Həsənli.
VAR: Əliyar Ağayev.
AVAR: Zeynal Zeynalov.
Hakim-inspektor: Anar Salmanov.
AFFA nümayəndəsi: Ramiz Mustafayev.
“Sumqayıt Arena”, 17:30.
“Qəbələ” – “Kəpəz”
Hakimlər: Cavid Cəlilov, Rahil Ramazanov, Şirmamed Mamedov, Nicat İsmayıllı.
VAR: Rəşad Əhmədov.
AVAR: Eyyub İbrahimov.
Hakim-inspektor: Babək Quliyev.
AFFA nümayəndəsi: Əsgər Əmirəliyev.
Qəbələ şəhər stadionu, 17:30.
“Səbail” – “Şamaxı”
Hakimlər: İnqilab Məmmədov, Akif Əmirəli, Pərvin Talıbov, Kamal Umudlu.
VAR: Fərid Hacıyev.
AVAR: Kamran Bayramov.
Hakim-inspektor: Ömər Paşayev.
AFFA nümayəndəsi: Elgiz Abbasov.
Bayıl. “ASCO Arena”, 20:00.
