Fransanın PSJ klubunun müdafiəçisi Markinyos UEFA Çempionlar Liqasında yeni uğura imza atıb.
Arena.az xəbər verir ki, 27 yaşlı futbolçu buna İngiltərənin “Mançester Siti” komandasına 1:2 hesabı ilə uduzduqları yarımfinal mərhələsinin ilk oyununda nail olub.
Parisdə baş tutan görüşün 15-ci dəqiqəsində hesabı açan braziliyalı oyunçu tarixdə ardıcıl iki və ya daha çox mövsüm 1/4 və yarımfinal mərhələlərində qol vuran üçüncü futbolçu olub. Daha əvvəl bunu hazırda İspaniya “Barselona”sında oynayan Antuan Qrizmann (2015-16, 2016-17) və İtaliya “Yuventus”unda çıxış edən Kristiano Ronaldo (2011-12, 2012-13, 2013-14) bacarıb. Markinyos bütövlükdə son 12 ÇL matçında 5 qol vurmağa nail olub.
“Mançester Siti” ilə oyunda PSJ-nin müdafiəçisi İdrissa Quey qırmızı vərəqə ilə meydandan qovulub. O, ÇL-in bir mövsümündə ikinci dəfə qırmızı vərəqə almaqla Madrid “Real”ının sabiq futbolçusu Alvaro Arbeloanın antirekordunu təkrarlayıb.
Qeyd edək ki, PSJ və “Mançester Siti” komandaları arasındakı cavab oyunu mayın 4-də İngiltərədə keçiriləcək.
