Futbol üzrə Azərbaycan çempionu “Qarabağ”, eləcə də “Neftçi” klubu dünya reytinqindəki mövqelərini yaxşılaşdırıblar.
Arena.az xəbər verir ki, Beynəlxalq Futbol Tarixi və Statistikaları Federasiyası (İFFHS) bu gün klubların yeni dünya reytinqini açıqlayıb.
403 komandadan ibarət siyahıya Azərbaycanın iki təmsilçisi düşüb. Ötən ay 73-cü pillədə qərarlaşan “Qarabağ” 70-ci sıraya yüksəlib. Hazırda Ağdam klubunun hesabında 146,5 xal var. “Neftçi” isə 469-cu yerdən 398-ci mövqeyədək irəliləyib. Paytaxt klubu buna 57,5 xalla nail olub.
Dünya reytinqinə İngiltərə Premyer Liqasının və UEFA Çempionlar Liqasının son qalibi “Mançester Siti” (359 xal) başçılıq edir. İspaniya təmsilçisi “Real” (332 xal) ikincidirsə, İtaliyanın “İnter” (281 xal) kollektivi üçüncü sırada qərarlaşıb.
Sıralamada ilk 30 pillədə qərarlaşmış komandaların siyahısı belədir:
- Mançester Siti (İngiltərə) – 359 xal
- Real (İspaniya) – 332 xal
- İnter (İtaliya) – 281 xal
- Əl-Əhli (Misir) – 254 xal
- Bayer (Almaniya) – 243 xal
- PSV (Niderland) – 241,5 xal
- Fluminense (Braziliya) – 233 xal
- Fiorentina (İtaliya) – 231,5 xal
- Bayern (Almaniya) – 228 xal
- Palmeyras (Braziliya) – 226 xal
- Yuventus (İtaliya) – 223 xal
- Fortaleza (Braziliya) – 219,5 xal
- Atletiko (İspaniya) – 218 xal
- Roma (İtaliya) – 217,5 xal
- Flamenqo (Braziliya) – 216 xal
- Sportinq (Portuqaliya) – 208 xal
- Vest Hem (İngiltərə) – 206,5 xal
- Portu (Portuqaliya) – 205 xal
- San Paulo (Braziliya) – 204 xal
- Milan (İtaliya) – 201 xal
- Fənərbaxça (Türkiyə) – 199 xal
- Barselona (İspaniya) – 198 xal
- Yunion (Belçika) – 195,5 xal
- Estudiantes (Argentina) – 194,5 xal
- Libertad (Paraqvay) – 193 xal
- İnternasional (Braziliya) – 192 xal
- Arsenal (İngiltərə) – 191 xal
- Leypsiq – 187 xal
- Napoli (İtaliya) – 185 xal
- Mançester Yunayted (İngiltərə) – 182 xal
