Azərbaycan çempionu “Qarabağ” bu gün Avropa Liqasının 2024/2025 mövsümünün Liqa mərhələsində 5-ci oyununa çıxıb.
Arena.az xəbər verir ki, Ağdam klubu doğma meydanda Lion “Olimpik”i ilə üz-üzə gəlib.
Fransa təmsilçisi ilə qarşılaşma Tofiq Bəhramov adına Respublika stadionunda baş tutub. Qarşılaşmanı Serbiyadan olan hakimlər briqadası idarə edib.
Azərbaycan çempionu Avroliqanın Liqa mərhələsinə uğursuz start vermişdi. Səfərdə “Tottenhem”ə (İngiltərə) 0:3 hesabıyla uduzmuş komandamız evdə də “Malmö”yə (İsveç) 1:2, “Ayaks”a (Niderland) 0:3 hesablarıyla məğlub olmuşdu. Qurban Qurbanovun kollektivi ardıcıl 3 məğlubiyyətdən sonra səfərdə “Bodo Qlimt”ə (Norveç) 2:1 hesabıyla qalib gəlmişdi. Bu nəticədən sonra təmsilçimiz 3 xalla 29-cu pillədə qərarlaşmışdı.
Lion “Olimpik”i isə evdə “Olimpiakos”a (Yunanıstan) 2:0, səfərdə “Reyncers”ə (Şotlandiya) 4:1 hesabıyla qalib gəlmişdi. “Beşiktaş”la (Türkiyə) ev oyununda 0:1 hesabıyla uduzmuş Fransa təmsilçisi ötən tur da “Hoffenhaym”la (Almaniya) bərabərə qalmışdı – 2:2. “Olimpik” 7 xalla 9-cu pillədəydi.
Bu komandaların görüşündə isə qələbəni qonaqlar bayram ediblər. Bolqollu matçda komandamız cəmi bir dəfə fərqlənə bilib və meydanı xalsız tərk edib.
Avropa Liqası
Liqa mərhələsi, 5-ci tur
28 noyabr
“Qarabağ” – “Olimpik” (Lion) 1:4
Qollar: Olavio Juninyo, 88-pen – Georgi Mikautadze, 15; 80. Korentin Tolisso, 63. Malik Fofana, 68.
Hakimlər: Nenad Minakoviç, Nikola Boroviç, Boşko Bojoviç, Milan Mitiç
VAR: Momçilo Markoviç
AVAR: Novak Simoviç (Hakimlər briqadası Serbiyadandır).
Bakı. Tofiq Bəhramov adına Respublika stadionu.
Qarabağ: 99. Mateuş Koxalski, 7. Yassin Benzya (11. Emmanuel Addai, 74), 8. Marko Yankoviç, 10. Abdullah Zubir (k), 13. Bəhlul Mustafazadə, 18. Olavio Juninyo, 21. Aleksey Kaşuk (15. Leandro Andrade, 60), 27. Toral Bayramov (44. Elvin Cəfərquliyev, 65), 29. Marko Veşoviç (2. Mateus Silva, 60), 66. Patrik Andrade (6. Julio Romao, 60), 81. Kevin Medina.
Ehtiyat oyunçular: 12. Sadiq Məmmədzadə, 97. Fabiyan Buntiç, 20. Riçard Almeyda, 22. Musa Qurbanlı, 24. Aleksey İsayev, 30. Abbas Hüseynov, 90. Nəriman Axundzadə.
Baş məşqçi: Qurban Qurbanov.
Olimpik: 23. Lukas Perri, 3. Nikolas Talyafiko (k), 7. Jordan Veretu (6. Maksans Kakre, 77), 11. Malik Fofana, 15. Tanner Tessmann (31. Nemanya Matiç, 77), 18. Rayan Şerki (17. Səid Benrahma, 63), 27. Varmed Omari, 37. Ernest Nuama (8. Korentin Tolisso, 46), 55. Duye Çaleta-Çar, 69. Georgi Mikautadze, 98. Eynsli Meytlend-Nayls.
Ehtiyat oyunçular: 30. Castin Benqi-Joao, 40. Remi Deşam, 10. Aleksander Lakazette, 16. Abner Vinisius, 19. Mussa Niakate, 20. Sael Kumbedi, 22. Klinton Mata, 29. Entso Molebe.
Baş məşqçi: Pyer Saj.
