Futbol üzrə Azərbaycan Premyer Liqasının 22-ci turunda keçiriləcək “Qarabağ” – “Sabah” matçının biletləri iticket.az-da satışa çıxarılıb.
Arena.az xəbər verir ki, bu barədə Ağdam klubunun mətbuat xidməti məlumat yayıb.
Xəbərdə bildirilir ki, biletlərin qiyməti sektorlara uyğun olaraq 3, 7 və 15 manat təşkil edir.
Biletlər bu gün iticket.az-da onlayn, həmçinin oyun günü Tofiq Bəhramov adına Respublika stadionunun kassalarında da satışda olacaq.
Xatırladaq ki, fevralın 11-də Tofiq Bəhramov adına Respublika stadionunda keçiriləcək “Qarabağ” – “Sabah” oyununa saat 19:00-da start veriləcək. Ağdam klubu hazırda Premyer Liqanın turnir cədvəlində 50 xalla vahid liderdir. Paytaxt təmsilçisi isə 27 xalla 5-ci sırada qərarlaşıb.
