“Qarabağ”ın Avropa Liqasının Liqa mərhələsindəki rəqibləri – “Malmö” və “Elfsborq” İsveç çempionatında növbəti oyunlarına çıxıblar.
Arena.az xəbər verir ki, sözügedən komandalar 21-ci turda matçlarını müvafiq olaraq evdə və səfərdə keçiriblər.
“Malmö” doğma meydanda “Yurqorden”i dörd cavabsız qolla üstələyib – 4:0.
“Elfsborq” isə səfərdə “Brommapoykarna” ilə məhsuldar heç-heçəyə razılaşıb – 3:3.
21 turdan sonra “Malmö” 48 xalla liderdir. “Elfsborq” isə 33 xalla 6-cı pillədə qərarlaşıb.
Xatırladaq ki, “Qarabağ” “Malmö” ilə oktyabrın 3-də evdə, “Elfsborq”la dekabrın 11-də səfərdə qarşılaşacaq.
