“Qarabağ”ın futbolçusu Qaspar Panadero Kiprin AEK klubuna icarəyə verilib. Arena.az xəbər verir ki, bu barədə Ağdam klubunun mətbuat xidməti məlumat yayıb.
Əldə olunmuş razılığa əsasən, ispaniyalı yarımmüdafiəçi mövsümün sonuna qədər AEK-də çıxış edəcək.
Qeyd edək ki, Qaspar Panadero 2021-ci ilin avqustunda “Qarabağ”a transfer olunmuşdu. Lakin o, Ağdam təmsilçisinin əsas komandasında möhkəmlənə bilmədiyi üçün əvəzedici heyətə göndərilmişdi.
