“Qızıl top” mükafatına namizəd olan futbolçular açıqlandı

#

Bölmənin digər xəbərləri:

Məşhur “France Football” jurnalı ənənəvi olaraq, “Qızıl top” mükafatına namizəd olan futbolçuların adlarını açıqlayıb.

Arena.az “France Football” nəşrinin seçimi əsasında 2024-cü ildə “Qızıl top” mükafatına namizədlərin 30 futbolçudan ibarət tam siyahısını təqdim edir:

  1. Cud Bellingem (“Real”);
  2. Ruben Dias (“Mançester Siti”);
  3. Filip Foden (“Mançester Siti”);
  4. Federiko Valverde (“Real”);
  5. Emiliano Martines (“Aston Villa”)
  6. Rodri (“Mançester Siti”);
  7. Deklan Rays (“Arsenal”);
  8. Harri Keyn (“Bayern”);
  9. Vitinya (PSJ);
  10. Koul Palmer (“Çelsi”);
  11. Daniel Karvaxal (“Real”);
  12. Lamin Yamal (“Barselona”);
  13. Bukayo Saka (“Arsenal”);
  14. Vilyam Saliba (“Arsenal”);
  15. Hakan Çalhanoğlu (“İnter”);
  16. Kilian Mbappe (“Real”/PSJ);
  17. Alexandro Qrimaldo (“Bayer”);
  18. Ademola Lukman (“Atalanta”);
  19. Lautaro Martines (“İnter”);
  20. Antonio Rüdiger (“Real”);
  21. Artyom Dovbik (“Jirona”/”Roma”);
  22. Erlinq Haland (“Mançester Siti”);
  23. Toni Kroos (“Real”/futbolçu karyerasına xitam verib);
  24. Martin Edeqor (“Arsenal”);
  25. Daniel Olmo (“Barselona”/“Leypsiq”);
  26. Vinisius Junior (“Real”);
  27. Niko Uilyams (“Atletik”, Bilbao);
  28. Florian Virts (“Bayer”)
  29. Qranit Caka (“Bayer”);
  30. Mats Hummels (“Borussiya”, Dortmund/“Roma”).

Siyahıdan da göründüyü kimi, ən çox (7) futbolçu ilə təmsil olunan klub İspaniya çempionu “Real”dır. Yeri gəlmişkən, “Real”ın əzəli rəqibi “Barselona”dan isə cəmi iki futbolçu bu mükafata namizəd olub.

İngiltərə çempionu “Mançester Siti” ilə Premyer Liqanın digər nəhəngi “Arsenal” 4 oyunçu ilə ikinci yeri bölüşürlər. Üçüncü sırada isə 3 oyunçusu namizəd olan Almaniya çempionu “Bayer” var.

Xatırladaq ki, ilin yekunları üzrə mükafatlandırma 9 seçim əsasında təqdim ediləcək:

  1. Kişilər arasında “Qızıl top”;
  2. Qadınlar arasında “Qızıl top”;
  3. 21 yaşa qədər ən yaxşı oyunçu üçün Kopa qəniməti;
  4. Ən yaxşı qapıçı üçün Lev Yaşin qəniməti;
  5. Ən yaxşı hücumçu üçün Gerd Müller qəniməti;
  6. İlin kişi klubu;
  7. İlin qadın klubu;
  8. İlin kişi məşqçisi;
  9. İlin qadın məşqçisi.

Seçimlər üzrə qaliblər oktyabrın 28-də keçiriləcək xüsusi mərasimdə açıqlanacaq.