Azərbaycan kubokunun yarımfinal mərhələsinin “Qəbələ” ilə cavab oyunu “Qarabağ”ın baş məşqçisi Qurban Qurbanov üçün əlamətdar olub. Arena.az xəbər verir ki, 50 yaşlı mütəxəssis Ağdam klubunu ölkə kubokunda 60-cı matça çıxarıb.
2008-ci ildən bu komandaya rəhbərlik edən çalışdırıcının yetirmələri 39-cu qələbəsini 5 cavabsız qolla qazanıb. “Qarabağ” Qurbanovun rəhbərliyi altında 15 heç-heçə edib və yalnız 6 dəfə uduzub. Bu qarşılaşmalarda ağdamlılar 111 qol vurub, 30-nu buraxıb.
Qurban Qurbanov “Qarabağ”ı bütövlükdə 601 oyuna çıxarıb. Ağdam klubu bu oyunlarda 338 qələbə qazanıb. Qurbanovun yetirmələri 153 dəfə heç-heçəyə imza atıb. Onun komandası 110 dəfə məğlubiyyətlə üzləşib.
