“Mançester Siti”nin baş məşqçisi Xosep Qvardiola “şəhərlilər”in İngiltərə Premyer Liqasında ardıcıl 4-cü çempionluğunu şərh edib.
Arena.az BBC-nin “Sky Sports” dərgisinə istinadı əsasında ispan mütəxəssisin bu barədə fikirlərini təqdim edir:
“Arsenal” bizi yeni səviyyəyə qaldırdı. Əvvəllər bu, “Liverpul” idi, amma son iki mövsümdə “Arsenal” oldu. Bu mövsüm inanılmaz oldu. Biz başa düşürük ki, onlar hələ uzun illər orada olacaqlar.
Gənc və istedadlı məşqçi – onlar bizə başa saldılar ki, yaxın bir neçə ildə diqqətli olmaq gərəkdir. Mən bura köçəndə kimsə desəydi ki, yeddi mövsümdə altı liqa qazanacağam, mən deyərdim ki, sən dəlisən – mümkünsüzdür. Bütün oyunçular “Mançester Yunayted”, “Liverpul” və “Çelsi”də, bütün bu komandalarda oynayırlar. İndi bizim dövrümüzdür. Biz bunun bir hissəsiyik.
Bunun sirri nədir? Mən bilmirəm. Çox iş. Mən pis məşqçi olduğumu demirəm, amma klub mənə inanılmaz dəstək verir. Bizdə bu iş mədəniyyəti var, hər kəs öz işini görür və hər bir şöbə çox vacibdir. Bu, həqiqət və gerçəklikdir”, deyə Qvardiola vurğulayıb.
Vurğulayaq ki, “Mançester Siti”nin ardıcıl 4-cü dəfə İngiltərə Premyer Liqasını qazanması bir tarixi ilkdir. Buna qədər heç bir klub müvafiq nailiyyəti gerçəkləşdirə bilməyib.
