Azərbaycanlı futbolçular Ramin Nəsirli və Nazim Həsənzadə Latviyanın “Dauqavpils” komandasında debüt matçına çıxıblar. Arena.az xəbər verir ki, onlar bu gün baş tutan Latviya çempionatının 1-ci turu çərçivəsində baş tutan “Tukums 2000” ilə matçın iştirakçısı olublar.
“Dauqavpils” bu rəqiblə səfərdə qarşılaşıb. Azərbaycanlı futbolçuların komandası mövsümə məğlubiyyətlə başlayıb – 0:1.
Hər iki futbolçumuz “Dauqavpils”dəki debüt matçına start heyətdə çıxıb. Nazim 82, Ramin isə 88-ci dəqiqədə əvəzlənib.
Xatırladaq ki, müqavilə ilə “Neftçi”yə məxsus olan Ramin Nəsirli “Dauqavpils”də 2023-cü ilin sonuna kimi icarə əsasında çıxış edəcək. Nazim Həsənzadə isə “Turan Tovuz”a məxsusdur. O, Latviya klubunda mayın 31-nə kimi icarədə olacaq.
