Azərbaycanlı hücumçu Renat Dadaşov Portuqaliyanın “Tondela” komandasında növbəti matçına çıxıb. Arena.az xəbər verir ki, o, Portuqaliya çempionatının 6-cı turu çərçivəsində “Braqa” ilə görüşün iştirakçısı olub.
Futbolçumuzun komandası bu rəqiblə səfərdə qarşılaşıb. “Tondela” bu oyundan məğlubiyyətlə ayrılıb – 1:3.
Renat 79-cu dəqiqədə meydana buraxılıb. Komandasının yeganə qolunu da millimizin sabiq forvardı vurub. O, 86-cı dəqiqədə rəqib qapısına yol tapıb.
“Tondela” 6 turdan sonra 3 xalla 18 kollektiv arasında 16-cı pillədə qərarlaşıb.
Qeyd edək ki, müqavilə ilə İngiltərənin “Vulverhempton” klubuna məxsus olan Renat Dadaşov, “Tondela”da icarə əsasında forma geyinir.
