Futbol üzrə Azərbaycan millisinin hücumçusu Renat Dadaşov İsveçrənin “Qrasshopper” komandasında ilk rəsmi matçına çıxıb. Arena.az xəbər verir ki, futbolçumuzun komandası bu gün İsveçrə çempionatının 2-ci turu çərçivəsində “Luqano” ilə qarşılaşıb.
“Qrasshopper” bu rəqiblə doğma meydanda qarşılaşıb. Üç qolun qeydə alındığı matç meydan sahiblərinin qələbəsiylə yekunlaşıb – 2:1.
Renat Dadaşov bu görüşdə fasilədən dərhal sonra – 46-cı dəqiqədə meydana buraxılıb. Bundan 1 dəqiqə sonra da komandası qələbə qolunu vurub. Dadaşov bu oyunda 90+1-ci dəqiqədə aldığı sarı vərəqə ilə diqqət mərkəzinə düşüb.
