“Əl-Nəsr”ın portuqal ulduz hücumçusu və kapitanı Kristiano Ronaldo Səudiyyə Ərəbistanına köçməyinin çətinliyi ilə bağlı sualı cavablayıb.
Arena.az məlumat verir ki, “Roni” bu barədə özünün “YouTube” kanalında keçmiş ingilis futbolçu, hazırda futbol mütəxəssisi, təhlilçi olaraq çalışan Rio Ferdinandla söhbəti zamanı danışıb.
Portuqal ulduzun fikrincə, “Əl-Nəsr”ə keçmək onun üçün fəsad deyildi, çünki onun bütün həyatı hərəkəti surətində belə, “çətinliklərdən” ibarətdir:
– Səudiyyə Ərəbistanına köçərkən ən çətin məqam nə olub?
– Mənim bütün həyatım başdan-başa çətinliklərlə doludur. Mən böyük şəhərdə yaşamaq üçün 11 yaşımda evimi tərk etdim. Mənim üçün bu, asan idi. Madeyradan Lissabona, Lissabondan İngiltərəyə, İngiltərədən İspaniyaya, sonra İtaliyaya, sonra yenidən İngiltərəyə köçdüm. Mənim üçün köç – fəsad deyil.
Kristiano Ronaldo 2023-cü ilin yanvarından “Əl-Nəsr”də çıxış edir. Portuqal ulduz ərəb klubuna 2023-cü ilin yanvarında “Mançester Yunayted”dən azad agent qismində keçib.
Ronaldonun “Əl-Nəsr”lə müqaviləsi 2025-ci ilin iyun ayının sonuna qədər qüvvədədir.
Geridə qalmış mövsümdə Ronaldo “Əl-Nəsr”in heyətində bütün yarışlarda 45 oyuna çıxıb, 44 qol vurub, 13 məhsuldar verib.
Cari mövsümə isə Ronaldo “Nəcd cəngavərləri”nin heyətində bütün yarışlarda 4 oyuna 4 qol və 2 məhsuldar ötürmə ilə fərqlənib. Kristianonun “Əl-Nəsr” karyerası ümumilikdə 68 oyun, 62 qol və 17 məhsuldar ötürmədən ibarətdir.
Xatırladaq ki, Ronaldo “Əl-Nəsr”dən öncə “Real”, “Mançester Yunayted”, “Yuventus”, “Sportinq” (Lissabon) komandalarında çıxış edib. Portuqal ulduz bu komandaların hər biri ilə çoxsaylı qənimətlər qazanıb, müxtəlif rekordlara imza atıb. Maraqlıdır ki, Ronaldo “Əl-Nəsr”lə hələ heç bir qənimət qazanmayıb. Qolçuluq mükafatları ilə yanaşı, Ronaldonun “Əl-Nəsr”dəki yeganə uğuru ötən mövsümün ən yaxşı oyunçusu seçilməsidir.
Kristiano Ronaldo hazırda kapitanı olduğu, 2003-cü ilin avqust ayının 20-də debüt etdiyi Portuqaliya yığmasının heyətində 212 oyun keçirib, 130 qol vurub və 45 məhsuldar ötürmə verib. Ronaldonun yığma komandanın heyətindəki oyun və qol sayı mütləq dünya rekordudur.
“Transfermarkt” internet-portalı 39 yaşlı veteran hücumçunun transfer dəyərini 15 milyon avro məbləğində qiymətləndirir.
