“Mançester Yunayted”in baş məşqçisi Ruben Amorim Avropa Liqasının 5-ci turunda “Bodo Qlimt” üzərində əzmkar qələbəni (3:2) şərh edib.
Arena.az BBC-yə istinadən, portuqal mütəxəssisin bu barədə fikrini təqdim edir:
“Əlbəttə, elə, mən də hamının gördüyünü görürəm: yaxşı anlar, mürəkkəb anlar. Nəticəni saxlamağa çalışdığımız üçün sonda bəzi çaşqınlıq yaşandı, amma oğlanlarım əla iş gördülər. Qaçdılar, təpki ilə rəqibi sıxdılar, son üç gündə işlədiyimizi icra etməyə çalışdılar və biz qalib gəldik. Əsl amerikan təpəcikləri idi. Biz oyuna yaxşı başladıq, amma sonra iki keçiddə iki qol buraxdıq. Oyunçuların bizim oyunumuzu oynamağa çalışması xoşuma gəlir.
Bəzən topu qazanırıq, amma əvvəllər topu rəqibə mütəmadi surətdə verəndə fəsadlar yaşayırdıq. İndi tapşırığımız – topu saxlamaqdır. Onlar həqiqətən çalışırlar və düşünürəm ki, biz bu qələbəyə layiq idik”, deyə Ruben Amorim məmnunluqla vurğulayıb.
5 turdan sonra “Mançester Yunayted” Avropa Liqasının Liqa mərhələsinin yarış cədvəlində 9 xalla 12-ci pillədə qərarlaşıb. “Bodo Qlimt” isə 7 xalla 17-ci pillədədir.
