Futbol üzrə Azərbaycan yığmasının hücumçusu Rüfət Dadaşov Almaniyanın “Şalke” klubunun ikinci komandasında növbəti matçına çıxıb. Arena.az xəbər verir ki, o, Almaniyanın Qərb Regional Liqasının 34-cü turu çərçivəsində baş tutan Mönhenqladbax “Borussiya”sının ikinci komandası ilə matçın iştirakçısı olub.
“Şalke” bu rəqiblə doğma meydanda qarşılaşıb. Futbolçumuzun komandası 10 qolun qeydə alındığı bu oyundan heç-heçə ilə ayrılıb – 5:5.
Rüfət Dadaşov bu görüşə start heyətdə başlayıb və sonadək oynayıb. Komandasının ikinci qolunu məhz azərbaycanlı hücumçu vurub. 23-cü dəqiqədə penaltidən dəqiq yararlanan futbolçu cari mövsümdə vurduğu qolların sayını 13-ə çatdırıb.
“Şalke”nin ikinci komandası bu nəticədən sonra 49 xalla 18 kollektiv arasında 9-cu pillədə qərarlaşıb.
