“Səbail” üç futbolçusu ilə yeni müqavilə bağlayıb. Arena.az xəbər verir ki, bu barədə paytaxt klubunun rəsmi saytı məlumat yayıb.
Bunlar qapıçı Elxan Əhmədov (28 yaş), digər qolkiper Şahin Zəkiyev (22 yaş) və yarımmüdafiəçi Ədilxan Qarəhmədovdur (20 yaş). Hər üç futbolçu ilə 1 illik yeni müqavilə imzalandığı diqqətə çatdırılıb.
Qeyd edək ki, “Səbail” daha öncə Florian Kadriu, Milovan Petrovik, Luka İmnadze, Ali Sisey, Ruslan Hacıyev və Ürfan Abbasovla da yollarını ayırıb.
