Şəhriyar Məmmədyarov ilə Teymur Rəcəbov ilk “onluq”da

Beynəlxalq Şahmat Federasiyası (FİDE) yeni reytinq siyahısını açıqlayıb.

Arena.az qurumun rəsmi saytına istinadən xəbər verir ki, ilk “10-luq”da Azərbaycanın iki təmsilçisi yer alıb.

Şəhriyar Məmmədyarov 2770 xalla 9-cu, 2765 xalı olan Dünya Kubokunun qalibi Teymur Rəcəbov isə 10-cu pillədə yer alıb.

Qədir Hüseynov (2665) 3 pillə irəliləyərək 71-ci yerlə kifayətlənib. Nicat Abbasov (2664) isə 4 pillə geriləyib və 70-cı sırada qərarlaşıb. 5 pillə irəliləyən Rauf Məmmədov isə 87-ci yerdədir.

Reytinqin ilk pilləsində 2862 xalla norveçli dünya çempionu Maqnus Karlsendir. ABŞ şahmatçısı Fabiano Karuana (2823) ikinci, çinli Dinq Liren (2791) üçüncüdür.

Qadın şahmatçılardan Günay Məmmədzadə 3 pillə irəliləyərək 2443 xalla 28-ci yerə yüksəlib. Bir pillə geriləyən Gülnar Məmmədova (2382) 80-cidir. 2376 xalı olan və 1 pillə irəliləyən Xanım Balacayeva 89-cu sırada yer alıb.