Azərbaycan təmsilçiləri Şəhriyar Məmmədyarov və Teymur Rəcəbov Beynəlxalq Şahmat Federasiyasının (FIDE) reytinqində bir pillə geriləyiblər.
Arena.az xəbər verir ki, Şəhriyar Məmmədyarov hazırda 2746 xalla 14-cü pillədə qərarlaşıb.
Teymur Rəcəbov isə 2692 xalla 40-cıdır. Son ölkə çempionatının qalibi Rauf Məmmədov 2657 xalla 69-cu yerdə qalıb. Siyahıya norveçli Maqnus Karlsen (2837) başçılıq edir.
Qadınlardan Gövhər Beydullayeva (2394) 8 pillə geriləyərək 53-cü sırada yer alıb. Dörd mövqe itirən Günay Məmmədzadə (2390) 57-ci sıraya düşüb. 10 sıra geriləyən Ülviyyə Fətəliyeva isə 2374 xalla 67-cidir. 3 pillə irəliləyən Xanım Balacayeva (2358) 58-ci sıraya yüksəlib. Yenidən ilk 100-lüy-ə qayıdan Gülnar Məmmədova da hazırda 2352 xalla 91-ci sırada qərarlaşıb. Qadınların reytinq cədvəlinə çinli Yifan Hou (2633) başçılıq edir.
