19 yaşadək futbolçular arasında Azərbaycan çempionu “Sabah” (U-19) bu gün avrokuboklarda mübarizəyə start verib.
Arena.az xəbər verir ki, Bakı klubu UEFA Gənclər Liqasında ikinci mərhələnin ilk oyununa çıxıb.
Xorvatiyalı baş məşqçi Adino Mustedanaqiçin yetirmələri “Bazel”lə qarşılaşıb. Təmsilçimiz avrokubok debütünü İsveçrədə gerçəkləşdirib. Amma Azərbaycan çempionunun debütü çox uğursuz alınıb. “Bazel” bu oyunda qonaq komandanın qapısından 6 cavabsız qol keçirməklə cütün taleyini elə ilk görüşdəcə həll edib.
Qeyd edək ki, bu komandalar arasında cavab matçı noyabrın 6-da Bakıda baş tutacaq. İkinci qarşılaşmaya saat 18:00-da start veriləcək.
UEFA Gənclər Liqası
2-ci mərhələnin ilk oyunu
23 oktyabr
“Bazel” – “Sabah” 6:0
Baş hakim: Patrik Kolariç (Xorvatiya).
Bazel. “Sent Yakob-Park” stadionu.
