“Sabah” ilkə imza atdı: Ən uzun 9 seriyadan biri qırıldı

“Sabah” futbol üzrə Azərbaycan Premyer Liqasının 11-ci turunda qarşılaşdığı “Neftçi”yə tarixində ilk dəfə qalib gəlib.

Arena.az xəbər verir ki, bu, komandalar arasında 13-cü dueldə gerçəkləşib.

“Sabah” 2 heç-heçə edib, 10 dəfə uduzduğu rəqibini 2:1 hesabı ilə məğlubiyyətə uğradıb.

Bu, Azərbaycan çempionatları tarixində 9 ən uzun analoji seriyadan biri idi. Mütləq rekord “Zirə”yə 24 matçda uduzmayan “Qarabağ”a məxsusdur. “Kəpəz” MOİK-lə 22, “Neftçi” “Şəfa” ilə 17, “Turan” “Kür-Nur”la 16, “Keşlə” MOİK-lə 14 qarşılaşmanın heç birində uduzmayıb. Üç dueldəki seriya isə 12-yə bərabərdir. “Keşlə” “Rəvan”, “Kəpəz” Bərdə “Pambıqçı”sı, “Qarabağ” “Sabah”a qarşı keçirdiyi 12 görüşün hamısında xal qazanıb.