Şahruddin penaltidən 2 qol buraxdı, sarı vərəqə aldı – Video

Azərbaycan millisinin qapıçısı Şahruddin Məhəmmədəliyev Türkiyənin “Adana Dəmirspor” komandasında növbəti oyununa çıxıb.

Arena.az xəbər verir ki, Adana təmsilçisi bu gün 29-cu tur çərçivəsində səfərdə “Konyaspor”la qarşılaşıb.

Şahruddinin komandası bu oyundan heç-heçə ilə ayrılıb – 2:2. İlk hissəni 1:2 hesablı məğlubiyyətlə başa vuran Adana təmsilçisi bərabərlik qolunu 87-ci dəqiqədə vurub. Meydan sahibləri Şahruddini 9 və 45-ci dəqiqələrdə penaltilərlə məyus ediblər.

90 dəqiqədə meydanda olan Məhəmmədəliyev 72-ci dəqiqədə sarı vərəqə ilə də cəzalanıb.

“Adana Dəmirspor” bu heç-heçədən sonra 36 xalla 20 iştirakçı arasında 10-cu pillədə qərarlaşıb. “Konyaspor” isə 32 xalla 14-cüdür.

Xatırladaq ki, Şahruddin Məhəmmədəliyev 2023-cü ilin yayında “Qarabağ”dan keçdiyi Türkiyə klubu ilə 2 illik müqavilə bağlayıb. O, “Adana Dəmirspor”da indiyə qədər 17 matça çıxıb, 26 qol buraxıb, 3 “quru” matç keçirib.