İngiltərə millisinin baş məşqçisi Qaret Sautqeyt AÇ-2024-ün yarımfinalında Niderland yığması üzərində qələbəni (2:1) şərh edib.
Arena.az UEFA-nın mətbuat xidmətinə istinadən, ingilis mütəxəssisin bu barədə fikirlərini təqdim edir:
“Biz çox yaxşı oynayırdıq. Bu, çətin oyun idi və biz oyunumuzu daim dəyişməli olurduq, xüsusən də müdafiədə. Biz daim uyğunlaşmalı olurduq, oyunçular isə çox yaxşı qərarlar qəbul edirdilər. Oyunun sonu komandam üçün xüsusi və ümumi işə verdiklərinə görə mükafat oldu.
İnanılmazdır. Düşünürəm ki, oyunun keyfiyyəti əla idi, iki əvəzedici oyunçunun oyuna qoşulması isə onların bir dəstə kimi ruhundan xəbər verir. Son beş və ya altı həftə ərzində onlar parlaq surətdə təşəkkül tapıblar. Onların heç biri başını aşağı salmadı, zamanı gələndə hamı öz anına hazır idi.
Biz önümüzdə daha çox ayağa ehtiyacımız olduğunu hiss edirdik. Harri Keyn birinci hissədə penalti qazanarkən zədələndi. Siz bilirsiniz ki, Olli Uotkins azacıq daha yaxşı təpki edə bilər və o, oyunun həm erkən, həm də son mərhələsində müdafiəçilər üçün fəsadlar yaradan qaçışları icra edəcək. Elə vaxtlar olur ki, bu, işləyir və hamı çox sevinir.
Bu, bütünlüklə can qoymağa və yarış boyu öz töhfəsini verməyə hazır olan oyunçuların zehniyyətidir. Məni ən çox sevindirən edən də budur”, deyə Sautqeyt vurğulayıb.
İngilis mütəxəssis qarşıdakı final oyunu haqda fikirlərini də açıqlayıb:
“Tarixi yenidən yazmaq imkanımız varmı? Biz elə, bunun üçün buradayıq. Bu, inanılmaz dərəcədə çətin oyundur, hazırda yarışın ən yaxşı komandası ilə qarşılaşacağıq. Amma biz hələ də buradayıq – həqiqətən də yaxşı çıxışdan sonra mübarizə aparırıq. Evə qayıtmış hər kəs üçün isə çox şadam”.
Beləliklə, AÇ-2024-ün finalına yüksəlmiş İngiltərə yığması iyulun 14-də Berlinin “Olimpiaştadion”unda İspaniya millisi ilə qarşılaşacaq. Niderland yığması üçün isə Avropa çempionatı başa çatıb.
