“İnter Mayami” ispan dayaq yarımmüdafiəçisi Serxio Buskets mükəmməl futbolçunun hansı keyfiyyətlərə malik olması gərək olduğunu açıqlayıb.
Arena.az məlmat verir ki, Buskets bu barədə fikirlərini MLS-in mətbuat xidmətinə müsahibəsi zamanı açıqlayıb:
“Sol ayaq – Messidir. Sağ ayaq – İnyesta. Sürət – Dembele. Güc – Puyol. Ehtiras – Serxio Ramos. Zəka – mənəm”, deyə Buskets gülərək bildirib.
Serxio Buskets “İnter Mayami”yə 2023-cü ilin iyulunda keçib. 2005-ci ildən “Barselona”da çıxış etmiş ispan “dayaqçı” “blauqrana” ilə ötən mövsümün sonunda başa çatmış müqaviləsini yeniləməkdən imtina edib. Busketsin “İnter Mayami” ilə müqaviləsi 2025-ci ilin dekabr ayının sonuna qədər qüvvədədir.
MLS-in geridə qalımış 2022/2023 mövsümndə Buskets “vağlar”ın heyətində bütün yarışlarda 20 oyuna çıxıb, 1 məhsuldar ötürmə ilə fərqlənib.
“Barselona”nın heyətində bütün mümkün ali klub qənimətlərini qat-qat muzeyinə yığmış Buskets “İnter Mayami” ilə 2023-cü il mömvsümü Liqalar Kubokunu qazanıb.
Serxio Buskets 2009-cu ilin aprelində debüt etdiyi İspaniya yığmasının heyətində 143 oyun keçirib, 2 qol vurub və 9 məhsuldar ötürmə verib. Buskets İspaniya yığması ilə dünya çempionatının (DÇ-2010) və Avropa çempionatının (AÇ-2012) qalibi olub.
“Transfermarkt” internet-portalı 35 yaşlı veteran futbolçunun transfer dəyərini 3 milyon avro məbləğində qiymətləndirir.
