“Mançester Yunayted”in baş məşqçisi Erik ten Haq “qırmızı şeytanlar”ın sabiq ulduzu Kristiano Ronaldo haqda sualı cavablayıb.
Arena.az xəbər verir ki, “The Times” müxbirinin Kristino Ronaldonun gedişindən sonra komandanın dəyişib-dəyişmədiyi haqda sualına holland mütəxəssis qısaca məntiqli cavab verib:
“Əgər siz bizi izləyirsinizsə, o halda özünüz bu sualı cavablandıra bilərsiniz”.
Xatıladaq ki, portuqal ulduz 2021-ci ilin yayında “Yuventus”dan “Mançester Yunayted”ə qayıtmışdı. 2022-ci ilin noyabrında isə klubla futbolçu müqaviləyə qarşılıqlı razılaşma əsasında xitam vermişdilər. Kristiano Ronaldo 2023-cü ildən Səudiyyə Ərəbistanının “Əl-Nəsr” komandasında çıxış edir.
Ten Haqın “Mançester Yunayted”inə gəlincə, komanda 2022/2023 mövsümünün yekununa əsasən, Premyer Liqanın bürünc mükafatını qazanmaqla növbəti mövsümdə Çempionlar Liqasına vəsiqəni təmin edib.
Vurğulayaq ki, Ten Haq “qırmızı şeytanlar”ın sükanı arxasında ilk mövsümünü keçirib.
