Almaniya çempionu “Bayern”in baş məşqçisi Tomas Tuxel Münhen təmsilçisinin mümkün qış transferlərindən danışıb.
Arena.az “Bayern”in rəsmi saytına istinadən, alman mütəxəssisin müvafiq xüsusda fikirlərini diqqətinizə çatdırır:
“Bizim üçün məna kəsb edənlər üzərində işləyirik. Zədələr də bizi ləngitmir. Biz öz gücümüzə və burada olan oyunçulara arxayınıq. Ümidvaram ki, Kim Min Jae və Nussayr Mazraui turnirlərdən zədəsiz qayıdacaqlar.
Transfer pəncərələri getdikcə mürəkkəbləşir. Bunda ictimaiyyət daha böyük və daha da böyük rol oynayır. Gördüyümüz işlərə tam əminəm. Bizi çılğın əməllərə məcbur etməyəcəklər. Komanda sabah üçün aydındır. Siz bir məşqçi kimi buna güvənirsiniz. Biz komandanı sabahkı oyuna sövq edəcəyik. Əminəm ki, sabah vacib səfər qələbəsi qazanmaq üçün əlimizdə hər şey olacaq”, deyə Tomas Tuxel bildirib.
Xatırladaq ki, qış transfer pəncərəsi zamanı “Bayern” heyətini, mövsümün sonuna qədər “Tottenhem”dən icarəyə götürdüyü ingilis mərkəz müdafiəçisi Erik Dayerlə gücləndirib.
Bu gün, yanvarın 27-də Bundesliqanın 19-cu turu çərçivəsində “Bayern” “Auqsburq”un qonağı olacaq. Oyun Bakı vaxtı ilə saat 18:30-da başlayacaq.
18 turdan sonra “Bayern” 44 xalla Bundesliqanın turnir cədvəlində 2-ci pillədə qərarlaşıb. Bundesliqaya 48 xalla “Bayer” başçılıq edir.
