“Turan Tovuz” Futbol Klubunun nəzdində inşa olunmuş Akademiyanın saxlanılması üçün maliyyə mənbəyi tapılıb.
Arena.az xəbər verir ki, bu barədə AFFA-nın İcraiyyə Komitəsinin bu gün baş tutan iclasında məlumat verilib.
Bildirilib ki, Akademiyanın saxlanılması üçün bir ilə 400 min AZN vəsait tələb olunur. Bununla əlaqədar AFFA tərəfindən FİFA-ya müraciət ünvanlanıb. Layihə FİFA tərəfindən müsbət dəyərləndirilib. Növbəti 3 il ərzində “Turan Tovuz”un nəzdindəki Akademiya FİFA-nın ayırdığı vəsait hesabına maliyyələşəcək.
