Futbol üzrə İran çempionatında 24-cü turun oyunları keçirilib. Arena.az xəbər verir ki, Cənubi Azərbaycan təmsilçisi “Traktor” da növbəti matçına çıxıb.
Təbriz klubu doğma meydanda “Mes Rafsanjan”la qarşılaşıb. “Traktorçular” bu oyundan qələbə ilə ayrılıblar – 1:0. Bu, təbrizlilərin çox uzun fasilədən sonrakı ilk qələbəsidir. Belə ki, komanda bundan əvvəlki 13 oyunda qələbəyə həsrət idi.
“Traktor” 24 turdan sonra 20 xalla 16 kollektiv arasında 13-cü pillədə qərarlaşıb.
