Cənubi Azərbaycanın ən məşhur futbol komandası olan “Traktor” İran çempionatının 2024/2025 mövsümündə növbəti matçına çıxıb.
Arena.az xəbər verir ki, Təbriz klubu 4-cü tur çərçivəsində “Zobahan”la qarşılaşıb.
İspaniyalı Pako Xemesin çalışdırdığı kollektiv bu rəqiblə doğma meydanda üz-üzə gəlib. “Traktorçular” meydandan məğlubiyyətlə ayrılıblar – 0:1. 67-ci dəqiqədə məğlub duruma düşən təbrizlillər 74-cü dəqiqədə azlıqda da qalıblar və mövsümdəki ilk məğlubiyyət qaçılmaz olub.
Mövsümə inamlı başlamış “Traktor” hazırda 4 oyuna topladığı 7 xalla 16 iştirakçı arasında 2-ci pillədə qərarlaşıb. Təbriz klubu çempionatdakı növbəti matçını sentyabrın 22-də səfərdə “Xeybar Xorramabad”a qarşı keçirəcək. Bundan öncə isə “traktorçular”ı Asiya Çempionlar Liqası çərçivəsində “Əl-Vakra” ilə görüş gözləyir. Qətər təmsilçisi ilə oyun sentyabrın 18-də səfərdə baş tutacaq.
