Cənubi Azərbaycanın ən məşhur futbol komandası olan “Traktor” İran çempionatının 2024/2025 mövsümündə növbəti matçına çıxıb.
Arena.az xəbər verir ki, Təbriz klubu 6-cı tur çərçivəsində “Sepahan”la qarşılaşıb.
İspaniyalı Pako Xemesin çalışdırdığı kollektiv bu rəqiblə səfərdə üz-üzə gəlib. “Traktorçular” meydandan qələbə ilə ayrılıblar – 1:0. Təbrizlilərə qələbə qazandıran yeganə qolu 45+1-ci dəqiqədə Əmirhüseyn Hüseynzadə vurub.
Mövsümə inamlı başlamış “Traktor” hazırda 6 oyuna topladığı 13 xalla 16 iştirakçı arasında 1-ci pillədə qərarlaşıb. Təbriz klubu çempionatdakı növbəti matçını oktyabrın 6-da evdə “Fulad”a qarşı keçirəcək. Bundan öncə isə təbrizliləri Asiya Çempionlar Liqasında növbəti sınaq gözləyir. Cənubi Azərbaycan təmsilçisi doğma meydanda Hindistan klubu “Mohun Baqan”la üz-üzə gələcək.
