“Transfermarkt” internet-portalı azad agent qismində olan (klubsuz) ən bahalı futbolçuların siyahısını dərc edib.
Arena.az məlumat verir ki, siyahıda ilk pillədə “Mançester Yunayted”in ispan keçmiş qapıçısı David de Xea qərarlaşıb.
“Transfermarkt” internet-portalı David De Xeanı 8 milyon avro məbləğində qiymətləndirir. İkinci yerdə “Nottingem Forest”in ingilis keçmiş futbolçusu Cessi Linqarddır, onun transfer qiyməti 6 milyon avro təxmin edilir. “Renn” klubunun portuqal sabiq furbolçusu Şeka ilk üçlüyü qapayır. Şekanın transfer qiyməti 5 milyon avro məbləğində qiymətləndirilir.
Azad agent qismində olan ən bahalı futbolçuların ilk onluğunu diqqətinizə çatdırırıq:
- David de Xea (son klubu – “Mançester Yunayted”, 8 milyon avro);
- Cessi Linqard (son klubu – “Nottingem Forest”, 6 milyon avro);
- Şeka (son klubu – “Renn”, 5 milyon avro);
- Ənvər Əl-Qazi (son klubu – “Maynts”, 3 milyon avro);
- Elder Koşta (son klubu “Lids”, 2,8 milyon avro);
- Xose Kampanya (son klubu – “Levante”, 2,5 milyon avro);
- Nemanya Yoviç (son klubu – “Partizan”, 2 milyon avro);
- Süleyman Dumbiya (son klubu – “Anje”, 2 milyon avro);
- Santi Mina (son klubu – “Selta”, 2 milyon avro);
- Darko Velkovski (son klubu – “Əl-İttifaq”, 1,8 milyon avro).
