Bu gün futbol üzrə Türkiyə Kubokunda 2024/2025-ci illər mövsümünün 1/4 final mərhələsinin oyunlarına start verilib.
Arena.az xəbər verir ki, ilk oyun günündə bir qarşılaşma baş tutub.
“Konyaspor” doğma meydanda qarşılaşdığı “İskenderunspor”u 3 cavabsız qolla məğlub edib. Nəticədə Konya təmsilçisi ilk yarımfinalçı olub.
Bu mərhələnin qalan oyunları aprelin 2-də və 3-də keçiriləcək. Ən maraqlı görüşlərdən biri İstanbul nəhəngləri – “Qalatasaray”la “Fənərbağça” arasında olacaq. “Trabzonspor”u isə “Bodrumspor”la oyun gözləyir.
Son oyunda digər İstanbul nəhəngi “Beşiktaş” da “Göztəpə”ni sınağa çəkəcək.
Qeyd edək ki, Türkiyə Kubokunda yarımfinal mərhələsinin oyunları aprelin 22-də, 23-də və ya 24-də baş tutacaq. Final qarşılaşması isə mayın 14-də keçiriləcək.
Türkiyə Kuboku
1/4 final
1 aprel
“Konyaspor” – “İskenderunspor” 3:0
Qollar: U.Nayir, 65. M.İbrahimoğlu, 84. Çaluşiç, 90+2.
2 aprel
18:45. “Trabzonspor” – “Bodrumspor”
21:45. “Fənərbağça” – “Qalatasaray”
3 aprel
21:30. “Beşiktaş” – “Göztəpə”
