21 yaşadək futbolçulardan ibarət Azərbaycan millisinin (U-21) Şimali İrlandiya və İngiltərə yığmalarına qarşı oyunlar üçün heyəti açıqlanıb.
Arena.az bu barədə AFFA-nın rəsmi saytına istinadən xəbər verir.
Millimizi qarşıda Avropa çempionatının (AÇ-2025) seçmə mərhələsi çərçivəsində Şimali İrlandiya və İngiltərə yığmaları ilə oyunlar gözləyir.
Samir Əliyevin rəhbərlik etdiyi kollektiv oktyabrın 7-də təlim-məşq toplanışına yığışacaq. U-21 millimiz oktyabrın 12-də, Bakı vaxtı ilə saat 18:00-da Belfastda Şimali İrlandiya yığması ilə üz-üzə gələcək. Oktyabrın 15-də, saat 22:30-da isə millimiz Bristolda İngiltərə seçməsi ilə qarşılaşacaq.
F qrupunda yer alan komandamız oktyabrın 8-də Şimali İrlandiyaya yola düşəcək.
Baş məşqçi Samir Əliyev qarşıdakı oyunlar üçün yığmaya 25 futbolçu dəvət edib:
- Rəvan Kazımov – Neftçi
- Xəyal Fərzullayev – Sumqayıt
- Rüstəm Samiqullin – Neftçi
- Süleyman Damadayev – Qəbələ
- Seymur Məmmədov – Sabah
- Emin Rüstəmov – Səbail
- Cəlal Hüseynov – Arda (Bolqarıstan)
- Eşqin Əhmədov – Qəbələ
- Abdulla Rzayev – Sabah
- Rüfət Əhmədov – Turan Tovuz
- Rüfət Abbasov – Şamaxı
- Mahir Həsənov – Kəpəz
- Qurban Səfərov – Şamaxı
- Mirəli Əhmədov – MOİK
- Rauf Rüstəmli – Şamaxı
- Emil Səfərov – Neftçi
- Xəyal Əliyev – Sabah
- Murad Vəliyev – Nomme Yunayted (Estoniya)
- Fərid Yusifli – Turan Tovuz
- Şahin Şahniyarov – Qəbələ
- Zeynəddin Abdurahmanov – Cəbrayıl
- Samir Məhərrəmli – Cəbrayıl
- Nəriman Axundzadə – Qarabağ
- Samir Abdullayev – Səbail
- Ağadadaş Salyanski – Neftçi
