21 yaşadək futbolçulardan ibarət Azərbaycan millisinin Belarus yığması ilə keçirəcəyi yoxlama oyununun yeri və başlama vaxtı bəlli olub.
Arena.az xəbər verir ki, bu barədə AFFA-nın rəsmi saytı məlumat yayıb.
Xəbərdə bildirilir ki, təlim-məşq toplanışının ikinci mərhələsi üçün iyunun 2-də Minskə yollanacaq U-21 millimiz mayın 4-də Belarusun müvafiq yaş qrupundan ibarət komandası ilə qarşılaşacaq.
Baranoviçi şəhər stadionunda təşkil olunacaq görüşə yerli vaxtla saat 19:00-da (Bakı vaxtı ilə saat 20:00) start veriləcək.
Qeyd edək ki, millimiz hazırlıq çərçivəsində iyunun 8-də Mehdi Hüseynzadə adına Sumqayıt şəhər stadionunda Monteneqronun müvafiq yaş qrupundan ibarət komandası ilə yoxlama görüşü keçirəcək.
