Bu gün futbol üzrə UEFA Millətlər Liqasında 2024/2025-ci illər mövsümünün qrup mərhələsinin 2-ci turuna yekun vurulacaq.
Arena.az xəbər verir ki, A, B, C, D Liqaları çərçivəsində 9 oyun baş tutacaq.
Maraqlı görüşlərdən biri A Liqasının 3-cü qrupunda Niderlandla Almaniya yığmaları arasında baş tutacaq. Amsterdamdakı “Yohan Kroyff Arena”da keçiriləcək görüşün start fiti Bakı vaxtı ilə saat 22:45-də səslənəcək.
AÇ-2024-də iştirak etmiş Gürcüstan yığması səfərdə Albaniyanın qonağı olacaq. Bu komandalar ilk turda qələbə qazandığı üçün bu dəfə qalib gələn tərəf vahid liderə çevriləcək.
UEFA Millətlər Liqasında yeni mövsümə məğlubiyyətlə başlamış Ukrayna yığması isə bu dəfə Çexiya millisinin qonağı olacaq.
UEFA Millətlər Liqası
Qrup mərhələsi, 2-ci tur
10 sentyabr
A Liqası, 3-cü qrup
22:45. Macarıstan – Bosniya və Herseqovina
22:45. Niderland – Almaniya
Xal: Almaniya – 3. Niderland – 3. Bosniya və Herseqovina – 0. Macarıstan – 0.
B Liqası, 1-ci qrup
22:45. Albaniya – Gürcüstan
22:45. Çexiya – Ukrayna
Xal: Gürcüstan – 3. Albaniya – 3. Ukrayna – 0. Çexiya – 0.
B Liqası, 2-ci qrup
22:45. İngiltərə – Finlandiya
22:45. İrlandiya – Yunanıstan
Xal: Yunanıstan – 3. İngiltərə – 3. İrlandiya – 0. Finlandiya – 0.
C Liqası, 4-cü qrup
20:00. Latviya – Farer adaları
22:45. Şimali Makedoniya – Ermənistan
Xal: Ermənistan – 3. Şimali Makedoniya – 1. Farer adaları – 1. Latviya – 0.
D Liqası, 2-ci qrup
22:45. Andorra – Malta
Xal: Moldova – 3. Andorra – 0. Malta – 0.
