İspaniya La Liqasının Seçki Komissiyası təqdim edilmiş yeganə namizəd olduğu üçün Xavyer Tebası şərti olaraq La Liqanın prezidenti elan edib.
Arena.az bu barədə “Marca” nəşrinə istinadən məlumat verir:
“Cənab Xavyer Tebas Medranonun təqdim etdiyi namizədliyini araşdıraraq, onun vaxtında və lazımi qaydada və məsələ ilə bağlı tətbiq edilən qanunvericilik və tənzimləyici müddəalara uyğun olaraq təqdim edildiyinə əmin olaraq və digər namizədlər olmadığı hala müvafiq olaraq, cənab Xavyer Tebas Medrano müvəqqəti olaraq La Liqanın prezidenti elan edilsin”, – La Liqanın Seçki Komissiyasının qərarının mətnində yazılıb.
Dekabrın 14-də müvafiq komissiya toplanaraq, mümkün müraciətlərə baxacaq. Həmin tədbirdə lazım gələrsə, prezidentin elanı yekunlaşacaq. Seçki Komissiyasının qərarlarından şikayət olmadıqda, komissiya yekdilliklə iclasını 2023-cü il dekabrın 12-nə təxirə sala bilər.
Bu, Tebasın 2013-cü ilin aprelindən bəri rəhbərlik etdiyi La Liqada dördüncü müddəti olacaq.
