Kişi voleybolçular arasında təşkil olunmuş Azərbaycan çempionatında (Yüksək Liqa) bu gün ilk final oyunu keçirilib.
Arena.az xəbər verir ki, həlledici matçda “Azərreyl” və “Murov” komandaları üz-üzə gəliblər.
Gənclər və İdman Nazirliyinin Voleybol Mərkəzində baş tutmuş görüş birincilərin 3:0 hesablı qələbəsi ilə yekunlaşıb. Son çempion bununla da titulunu qorumaq yolunda inamlı addım atıb.
Tərəflər arasında ikinci görüş aprelin 25-də gerçəkləşəcək.
Qeyd edək ki, çempion iki oyunun nəticəsinə əsasən müəyyənləşəcək. İki qarşılaşmada tərəflər hərəyə bir qələbə qazanarlarsa (xallar da bərabər olarsa), “qızıl set” oynanılacaq.
Yüksək Liqa (kişilər)
Finalın 1-ci oyunu
22 aprel
“Azərreyl” – “Murov” 3:0 (25:19, 25:17, 25:18)
Gənclər və İdman Nazirliyinin Voleybol Mərkəzi.
