Almaniya yığmasının baş məşqçisi Yulian Nagelsman UEFA Millətlər Liqasındakı oyunlar öncəsi sıx oyun təqvimi haqda danışıb.
Arena.az məlumat verir ki, alman mütəxəssis bu barədə “bundestim”in Bosniya və Heseqovina yığması ilə ev oyununa həsr edilmiş mətbuat konfransında fikir bildirib:
“Bəzi oyunçuların zədəsi var. Oğlanların çiyinləri arxasında həftə ortası oyunları ilə ardıcıl üç həftə var, buna görə də bunu nəzərə almalıyıq. Biz milli komandanın iddiaları ilə klubların ağlabatan tələbləri arasında tarazlıq tapmalıyıq. Biz bu məsələ ilə bağlı dialoq aparırıq”, deyə Yulian Nagelsman vurğulayıb.
Xatırladaq ki, UEFA Millətlər Liqasının A Liqasının 3-cü qrupunun 5-ci tur oyunu noyabrın 16-da Frayburq-im-Braysqaunun “Avropa Park” stadionunda baş tutacaq. Hakim oyunu Bakı vaxtı ilə saat 23:45-də başladacaq.
4 turdan sonra A Liqasının 3-cü qrupunda komandalar belə sıralanıblar:
Almaniya – 10 xal, Niderland – 5 xal, Macarıstan – 5 xal, Bosniya və Herseqovina – 1 xal.
