Türkiyənin “Qalatasaray” klubundan ayrılan Yunes Belhanda özünə yeni iş yeri tapıb. Arena.az xəbər verir ki, mərakeşli futbolçu bundan sonra Türkiyənin “Adana Demirspor” klubunun uğurları üçün çalışacaq.
Bu barədə Super Liqanın yeni klubunun mətbuat xidməti məlumat yayıb. 31 yaşlı oyunçu Adana təmsilçisi ilə 3 illik müqaviləyə imza atıb. O, yeni klubuna azad agent statusunda keçib.
Qeyd edək ki, Yunes Belhanda 2017-ci ildən “Qalatasaray”da çıxış edirdi. O, İstanbul klubu ilə 2 dəfə Türkiyə çempionu olub, 1 dəfə kubok, 1 dəfə də super kubok sevinci yaşayıb.
Fransanın “Monpelye” klubunun yetirməsi olan futbolçu, “Dinamo” (Kiyev), “Şalke” və “Nitsa”nın da uğurları üçün çalışıb. O, Mərakeş yığmasında 58 oyun keçirib, 5 qola imza atıb.
