İngiltərənin “Liverpul” komandasının sabiq çalışdırıcısı Yurgen Klopp Almaniya yığmasının baş məşqçi postuna əsas namizəddir.
Arena.az xəbər verir ki, Almaniya yığmasının rəhbərliyi budestimin sükanı arxasında gələcək mütəxəssislə bağlı strateji baxışa malikdir.
Bu barədə ZDF dərgisi məlumat yayıb. Mənbənin məlumatına görə, Almaniya yığmasının idman direktoru Rudi Föller alman mütəxəssis Yulian Nagelsmanı bundestimin baş məşqçisi vəzifəsində nəzəri olaraq kimin əvəz edə biləcəyi ilə bağlı sualı cavablayıb:
“Əgər Yulian Nagelsman nə vaxtsa Avropanın və ya Almaniyanın aparıcı klubunu çalışdırmağın daha məqsədəuyğun olacağına qərar versə, təbii ki, biz Yurgen Kloppun namizədliyini nəzərdən qaçırmayacağıq.
Klopp uzun müddət Almaniyadan kənarda işləyib. Əlbəttə, onu yüksək qiymətləndirirəm. Yurgen Klopp inanılmaz karyera qurub”, deyə alman mütəxəssis fikrini əsaslandırıb.
Xatırladaq ki, Klopp hal-hazırda heç bir komandanın çalışdırmır. Alman mütəxəssis uzun müddət çalışdırdığı “Liverpul”dan ötən mövsümün başa çatması ilə ayrılıb. Klopp bir müddət futboldan istirahət etməyə, asudə vaxtını isə özünə və ailəsinə həsr etməyə ehtiyacı olduğunu bildirib.
