Azərbaycanı Konfrans Liqasında təmsil edən “Zirə” bu gün Slovakiyanın “Dunayska Streda” komandası ilə cavab matçına çıxıb.
Arena.az xəbər verir ki, turnirin 2-ci təsnifat mərhələsi çərçivəsində üz-üzə gələn Azərbaycan və Slovakiya təmsilçilərinin cavab görüşü Dunayska Stredada baş tutub.
Rəşad Sadıqovun komandası ev oyununda 4:0 hesablı möhtəşəm qələbə qazanmaqla cavab matçı öncəsi işini xeyli asanlaşdırmışdı. İndi mərhələ adlamaq üçün Azərbaycan təmsilçisinə sadəcə, bu üstünlüyünü qorumaq yetərli idi. Amma zirəlilər Slovakiya təmsilçisini səfərdə də məğlub ediblər.
Beləcə, Rəşad Sadıqov məşqçi kimi karyerası ərzində ilk dəfə avrokuboklarda komandasını növbəti mərhələyə çıxarıb. Onun “Zirə”si bu mövsüm ilk cəhdində Avropa Liqasının 1-ci təsnifat mərhələsində Moldova “Şerif”ini keçə bilməmişdi.
Avropa Konfrans Liqası
2-ci təsnifat mərhələsinin cavab oyunu
1 avqust
Dunayska Streda – Zirə 1:2
Qollar: Aleks Mendes, 40 – Rafael Utziq, 25. Qismət Alıyev, 57-pen.
Qırmızı vərəqə: Romarik Yapi, 56.
Hakimlər: Yovan Kaçevski, Slaqyan Markoski, Branko Putilin, İvana Proykovska (hamısı Şimali Makedoniya).
Dunayska Streda. “DAC Arena”.
İlk oyun – 0:4.
Dunayska Streda: 41. Aleksandar Popoviç, 6. Mahmudu Bayo (68. Mate Tuboli, 80), 8. Milan Dimun (7. Yan Bernat, 61), 16. Mateus Brunetti, 17. Yohan Andzuana (k), 18. Aleks Mendes, 24. Kristian Herç (27. Milan Vitalis, 61), 33. Taras Kaçaraba, 46. Matey Trusa (13. Levente Bose, 74), 91. Romarik Yapi, 99. Ladislav Almasi (23. Damir Redziç, 61).
Ehtiyat oyunçular: 1. Samuel Petraş, 30. Attila Nemet, 9. İvan Dolçek, 10. Ammar Ramadan.
Baş məşqçi: Xisko Munyos.
Zirə: 97. Tyaqo Silva, 32. Qismət Alıyev (k), 3. Ange Mutsinzi, 4. Ruan Renato, 8. İsmayıl İbrahimli (28. Abbas İbrahim, 67), 11. Rüstəm Əhmədzadə (6. Eldar Quliyev, 67), 21. Hacıağa Hacılı, 23. Rafael Utziq 29. Ceyhun Nuriyev (7. Məqsəd İsayev, 67), 70. İssa Cibrilla (16. Fuad Bayramov, 73), 90. Davit Volkov (18. Martins Junior, 67).
Ehtiyat oyunçular: 41. Anar Nəzirov, 99. Səlim Həşimov, 5. Stefan Akka, 14. Elçin Əlicanov.
Baş məşqçi: Rəşad Sadıqov.
