Mərakeşdə təşkil olunmuş futbol üzrə Klublararası Dünya Çempionatında ilk finalçı bəlli olub. Arena.az xəbər verir ki, ilk yarımfinal görüşü Səudiyyə Ərəbistanını təmsil edən “Əl-Hilal” ilə Braziliyanın “Flamenqo” komandası arasında baş tutub.
Beş qolun qeydə alındığı bu oyunda “Əl-Hilal” qalib gəlib. Nəticədə bu komanda finala yüksəlib.
Digər yarımfinal görüşü isə sabah Misirin “Əl-Əhli” və İspaniyanın “Real” (Madrid) komandaları arasında baş tutacaq.
Xatırladaq ki, Klublararası Dünya Çempionatında mübarizəyə fevralın 11-də keçiriləcək oyunlarla yekun vurulacaq. Həmin gün əvvəlcə yarımfinalda uduzan komandalar üçüncü yer uğrunda mübarizə aparacaqlar. Yekunda isə final qarşılaşması baş tutacaq.
Klublararası Dünya Çempionatı
Yarımfinal
7 fevral
Flamenqo (Braziliya) – Əl-Hilal (Səudiyyə Ərəbistanı) 2:3
Qol: Pedro, 20; 90+1 – Əl-Dosari, 4; 45+9-pen. Vietto, 70.
8 fevral
23:00. Əl-Əhli (Misir) – Real (İspaniya)
