Lorenso Pelleqrini “Roma” ilə yeni müqavilə imzaladı

İtaliyanın “Roma” klubu yarımmüdafiəçisi Lorenso Pelleqrini ilə müqavilənin müddətini artırıb. Arena.az xəbər verir ki, bu barədə paytaxt təmsilçisinin mətbuat xidməti məlumat yayıb.

25 yaşlı futbolçu ilə müddəti 2026-cı ilin yayına qədər olan müqavilə imzalanıb.

“Roma”nın öz yetirməsi olan Lorenso Pelleqrini 2015-ci ilin martında “canavarlar”ın əsas komandasında debüt edib. O, “sarı-qırmızılı” formada indiyə qədər 161 matça çıxıb, 25 qol vurub. O, iki mövsüm “Sassuolo”da oynadıqdan sonra 2017-ci ildə yenidən doğma klubuna qayıdıb. Pelleqrini bu mövsüm A Seriyasında 3 qola imza atıb.