“Qarabağ”ın UEFA Çempionlar Liqasının pley-off mərhələsi çərçivəsində Zaqreb “Dinamo”suna qarşı keçirəcəyi oyunların vaxtı dəqiqləşib.
Arena.az UEFA-nın rəsmi saytına istinadən xəbər verir ki, bu komandalar arasındakı ilk oyun avqustun 20-də Zaqrebdə keçiriləcək.
Bu qarşılaşmaya Bakı vaxtı ilə saat 23:00-da start veriləcək.
Cavab qarşılaşması isə avqustun 28-də Bakıda baş tutacaq. Tofiq Bəhramov adına Respublika stadionunda keçiriləcək cavab matçına saat 20:45-də start veriləcək.
Xatırladaq ki, “Qarabağ” pley-offa qədər “Linkoln” (Cəbəllütariq) və “Ludoqorets”i (Bolqarıstan) mübarizədən kənarlaşdırıb. Zaqreb “Dinamo”su isə mübarizəyə birbaşa pley-offdan başlayacaq.
