“Qarabağ”ın 32 yaşlı rusiyalı qapıçısı Andrey Lunyov Avropa Liqasının 1/8 final mərhələsinin püşkatmasının nəticəsi haqda danışıb.
Arena.az xatırladır ki, “Qarabağ”ın rəqibi daha əvvəl Lunyovun çıxış etdiyi Leverkuzen “Bayer”i olacaq:
“Keçmiş komandamla oyun əlavə duyğular doğuracaqmı? Əlbəttə, doğuracaq. Əladır ki, onlarla oynayacağıq. Bu, çox yaxşı komandadır, xüsusən indi. Çalışacağıq ki, qələbə qazanaq və davam edək.
Komandaların eyni qrupda çıxış etməsi müsbət haldırmı? Bir tərəfdən, bəli, komanda ilə tanışıq, amma digər tərəfdən onlarda zədə səbəbindən rotasiya baxımından dəyişikliklər baş verib. Belə, hələ uduzmayıblar, əlavə təkan var. Baxmayaraq ki, bizə bunu axtarmağa ehtiyac yoxdur (gülür). Bu, “Bayer”dir – çıxıb onlara qarşı mübarizə aparmaq gərəkdir.
Bu, ən çətin rəqibimizdirmi? Bəli, müəyyənliklə. Düşünürəm ki, “Bayer” yarışın favoritlərindən biridir. Amma düşünürəm ki, indiki mərhələdə artıq zəif rəqib yoxdur”, deyə Andrey Lunyov bildirib.
